TAROMBO RAJA SITANGGANG LIPAN SIAN PINOMPAR NI GURU TAHUAK (sisada ama silima Ompu)

TAROMBO

RAJA SITANGGANG LIPAN

SIAN PINOMPAR NI GURU TAHUAK

(sisada ama silima Ompu)

Sejarah Singkat ni Ompu Guru Tahuak

Hira-hira tahun 1560 Masehi, namargoar Ompu Guru Tahuak (gelar dung diparjalanganna) jala goar sasintongna ndang tarboto sahat tu sadari on, jala

ompu on halak na sakti do. Kesaktian na terbukti ima na borhat ibana sian bona pasongit na (Pulau Samosir, sahat tu sadari on ndang adong angka pinopparna na mamboto sian dia bona pasogit na) laho ma ompu i tu  parjalangan ima tu topi Tao Toba di Buntu Pasir Parapat (huta ni marga sinaga),  jala dalan ni ompu laho tu parjalangan nai mamake bulung salukkit gabe soluna.

Ndung sahat di topi tao i dibereng ompu on ma sada namarbaju tangis-tangis jala margorak diroha ni ompu i laho manungkun namarbaju I, boasa tangis ho ito ? Alusna ia nunga talu marporang jala sude akka keluarga nami nunga ditakup musu (namonang marporang) jala na lari na au sian huta. Roma ompu i didok ma tu namarbajui molo songoni boanma au tu huta muna, jala lao ma nasida mandapothon hutai didapoti nasidama disi natoras ni namarbajui, jala ompu i ma na mangalo musuh ni natoras ni namarbaju i jala talu ma musuh i. Dung talu musuh I, ala balga rohani natorasna las di baenma ompu i gabe hela ni marga sinaga ima namarbajui gabe parsonduk bolon ni ompui.

Ndang sadia leleng laho ma ompu i dohot parsonduk bolon na tu Tano Jawa jala alani kesaktian ni ompu on gabe raja ma ibana di Tano Jawa. Sian Tano Jawa on ma marserak pinoppar ni ompu Guru Tahuak.

 

Sejarah singkat on hasil hatorangan/diskusi sian angka natua-tua pinoppar ni ompu Guru Tahuak 

HATA PATUJOLO

Parjolo ma Hita Mandok mauliate tu Tuhan ta pardenggan basa i ala holong na sian Ibana do hita angka pinopar ni oppungta Guru Tahuak mandapot hahipasan daging dohot partondian ta.

  Dizaman saonari on ndang godang be angka naposo mangalehon roha na lao paturehon tarombo na, mauliate ma ni pasahat tu sude pinompar ni oppung Guru Tahuak naung berpartisipasi mangalehon rohana laho paturehon tarombo ta on. Sahat tu sadari on nunga ta anggap singkop tarombo on ta susun, ia molo adong na hurang lobi asa marsipabotoan hita angka pinompar ni da oppu ta asa lam lobi singkop (sempurna) jala boi gade pedoman di pinomparta na mangihut (generasi berikutnya) jala asa diboto nasida ise sisolhotna jala unang gade lilu di ari-ari namangihut.

  Jala ndang lupa au mandok mauliate tu sude pinompar ni da oppung ta guru Tahuak, jala molo adong pakkatai on, dohot pangalaho nahurang lobi maradophon hamu sude haha anggi, boru, dohot sude nasohugoari parjolo ma au mangido maaf.  Sai Tuhan ta ma namandongani hita sude manang didia pe hita maringanan amin.

  Penyusun,

      J.Sitanggang/ br. Limbong

              (A. Hermina)

Hatorangan Tarombo :

Guru Tahuak na haluar sian Pulau Samosir lao tu Parapat jala mengoli ma oppu on tu boru ni raja I ima br. Sinaga.  Sian

boru Sinaga tubuma op. Mangiar,  op. Mangiar mangalap boru Butar-butar sian Sibisa,  jala sian op.mangiar tubu ma lima

dakdanak, jala mulai sian on ma dijouhon silima oppu. Ya si lima oppu i songon on ma hatorangan na :

Gr. Tahuak                       

      Op. Mangiar

 

  1. Op. Taripar

      1.1. A. Atik

 

  2. Op. Atik

      2.1. Op. Lakka

      2.2. Op. Talas

      2.3. Op. Mombur

      2.4. Op. Tau (Jabihut)

 

  3. Op. Jona

        

  4. Op. Lakka 

          4.1. A. Adang

      4.2. Op. Ajar

 

  5. Gr. Tampe

      5.1. Gr. Pinoda

      5.2. Gr. Sotahion

      5.3. Op. Ejer

      5.4. Op. Uban

Songoni ma sude sahat tu urutan terakhir. Ya tarombo on dimulai sian tarombo naung adong hian na nipature angka

Natua-tua ta, jadi hita angka pinompar na namangihut holan napasikophon (molo nahurang ditambai jala molo na lobi dihurangi) na ma. Godang dope hahurangan ni tarombo on. Pinangido tu hita sude pinopar ni si lima oppung asa ta lehon  rohata laho paturehon tarombo on asa adong laho pasahat on tu  generasi  mangihut.